انا راجل فيلسوف افكاري بالالوف ، كان ممكن ابقي حاجة لكن بس الظروف ، بكتب مذكراتي صفحاتي كتير يوماتي .
.........أسمع يا عم وشوف.........
جاني انهارده واحد شنبوه اليمين بيرقص ، ساعتين ونص قاعد ياكل في فول وحمص ، سالته اي خدمه " مئمئ " زي الخروف ، وقال ما هو انت عارف لو كنت فيلسوف .
ده راجل مش بيفهم ده راجل مش تمام ،ده مش كويس اتفرج يا سلام
وقفت اشرب سجاره قام صاحب الشغل شافني ، ندهلي في الاداره قال ايه يعني اكتشفني ، خصملي يوم وقالي بلسان زي الجروف ، اوعي الفلوس تهمك لو كنت فيلسوف .
ده راجل مش بيفهم ده راجل مش تمام ،ده مش كويس اتفرج يا سلام
سرحت في العصر مره اتمشي علي الخريطة ، لقيت راجل بيزمر عملي زمبليطة ، حدفها زمارته فوق دماغي خلاني بقيت صفوف ،وقالي موت بسرعه لو كنت فيلسوف .
ده راجل مش بيفهم ده راجل مش تمام ،ده مش كويس اتفرج يا سلام
من كلمات : صلاح جاهين
ألحان و غناء : زياد سحاب
No comments:
Post a Comment