تعالى نلضم اسامينا
الفلة جنب الياسمينة
قنا سوهاج الاسماعيلية
بنت الصعايدة بحرية
الاقصر غزالة محنية
في اسكندرية ترسينا
انا رشيدي و دمياطي
و اخدك يا منصورة في باطي
و اغني و ارقص سنباطي
قبل القمر ما ينسينا
و اعدي عالجيزة خفاجة
وردان دموعي الخفاقة
عيوني طلت يا رفاقة
من وادي حلفا علي المينا
عالضفتين القي ربوعي
و اعيد ميلادي و سبوعي
من كوم حمادة ينبوعي
في جرجا ابريق الزينة
بلبيس حنلبس دبلتها
شربين شربنا في قلتها
بعد المحلة ما حليتها
بنها العسل راح يشفينا
دنشواي اسمها اصبح
اجل شاهد بيسبح
في المنزلة الضي بيرمح
و في بحر يسوف سواقينا
و الشاي يا واسطة في السكة
نقعد يا منيا علي الدكة
توصل بني سويف الضحكة
نلاقي اسيوط وسطينا
عصرت قلبي الجواني
علي التراب الاسواني
رجع يا نوبة عنواني
كوم امبو رايقة و امينة
و طنطا شي للة يا سيد
و طهطا نفرح و نشيد
و نزور مغاغة و نعيد
في بورسعيد عالتراسينة
من السويس قلت ياللي
و القنطرة الفجر التملي
و الوز الاخضر بيصلي
علي القناية من سينا
تعالى نلضم اسامينا
الفلة جنب الياسمينا
حمل من هنا
No comments:
Post a Comment